USDT-ի վաճառք Երևանում՝ դրամով, մեր գրասենյակում
Բերում եք USDT և ստանում հայկական դրամ։ Գործարքը կատարվում է մեր գրասենյակում՝ ձեր ներկայությամբ, և ավարտվում է համարակալված կտրոնով։
Ինչ ունենալ ձեզ հետ
Գործարքի համար շատ բան պետք չէ, բայց ավելի հարմար է նախապես պատրաստվել։
- Հեռախոսը կամ այն սարքը, որտեղ ձեր դրամապանակն է, և ինտերնետ կապ։
- USDT՝ TRON (TRC20) ցանցում։ Այլ ցանցերով փոխանցումներ չենք ընդունում։
- Անձնագիր։ Այն պարտադիր է ցանկացած գործարքի համար։
- Ձեր բանկային հաշվի տվյալները, եթե դրամը ստանալու եք փոխանցումով։
Ինչպես է անցնում գործարքը
Ամբողջ ընթացքը հինգ քայլ է։
- Ուղարկում եք հայտ կայքից կամ Telegram բոտից և ընտրում այցի հարմար ժամը։
- Համեցեք գրասենյակ՝ Երևան, Տերյան 62։
- Գանձապահը ձեզ հետ հաստատում է գումարը, կուրսը և միջնորդավճարը։
- Ձեր դրամապանակից USDT-ն փոխանցում եք գրասենյակի TRC20 հասցեին, որը ստանում եք գանձապահից։
- Երբ փոխանցումը հաստատվում է ցանցում, ստանում եք դրամը և կտրոնը։
Կանխիկ, թե բանկային փոխանցում
Մինչև 300,000 ֏ գումարը կարող եք ստանալ կանխիկ։ Ավելի մեծ գումարները վճարում ենք բանկային փոխանցումով՝ մեր հաշվից ձեր բանկային հաշվին։
Եթե փոքր գումարի դեպքում էլ նախընտրում եք փոխանցումը, նշեք դա հայտում կամ ասեք գանձապահին։
Ինչպես է հաշվարկվում գումարը
Ստացվող դրամը կախված է երկու բանից՝ օրվա կուրսից և միջնորդավճարից, որի չափը որոշվում է գործարքի գումարով։ Երկուսն էլ հրապարակված են կուրսերի էջում։
Կայքի հաշվիչը ցույց է տալիս նույն թիվը, ինչ Telegram բոտը և գրասենյակի ծրագիրը, այնպես որ նախապես գիտեք, թե որքան դրամ եք ստանալու։ Վերջնական գումարը հաստատվում է գործարքի պահին գործող կուրսով։
Անվտանգություն
USDT-ն ուղարկեք միայն այն հասցեին, որը ձեզ տվել է գրասենյակի աշխատակիցը՝ տեղում կամ մեր պաշտոնական Telegram բոտով (@bitcoinpro_am_bot)։ Ուղարկելուց առաջ համեմատեք հասցեի առաջին և վերջին նիշերը։
Մենք երբեք չենք խնդրում դրամապանակի գաղտնաբառ կամ վերականգնման արտահայտություն (seed phrase)։
Յուրաքանչյուր գործարքից հետո ստանում եք կտրոն՝ համարով և գանձապահի ստորագրությամբ, հայերեն և անգլերեն։ Կտրոնը կարելի է ստուգել կայքում՝ կոդով կամ QR-ով։